Менаџерот на Арсенал, Микел Артета, изјави дека би бил среќен Букајо Сака да го следи примерот на соиграчот Вилијам Салиба и да ја посвети својата долгорочна иднина на клубот.
Арсенал ги обезбеди услугите на Салиба за уште пет години, а официјална потврда за продолжување на договорот со дефанзивецот се очекува следната недела.
Тековниот договор на Сака со Арсенал истекува во 2027 година и иако нема индикации дека англискиот репрезентативец сака да си замине, се верува дека не е блиску до продолжување на договорот.
На прашањето дали очекува вести за продолжување на договорот со Букајо Сака , Артета одговори:
„Би сакал. Од сè што знам, тој е играч кој е исклучително среќен и горд на улогата што ја има во тимот. Работите ќе се одвиваат природно, како што секогаш се случува. Сите знаат колку е важен Букајо за нас. Се надеваме дека ќе можеме да го направиме тоа.“, изјави Артета.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
