Валон Етеми во извонредна форма: Во стил на расен голгетер нов гол за победа на Истанбулспор (ВИДЕО)

  • Екипа
  • 05.02.2023 / 13:23
  • СПОДЕЛИ:

Македонскиот репрезентативец Валон Етеми игра во извонредна форма на стартот од 2023 година во дресот на Истанбулспор во турската Суперлига.

Етеми веќе и трет едноподруго натпревар постигнува гол за Истанбулспор, ако се вклучи и оној од претходното коло за победа кој дел од турските медиуми го припишуваат и како автогол на противничкиот фудбалер.

Денеска во 23. коло од шампионатот Етеми постигна нов погодок во победата на Истанбулспор од 2-1 против Аланјаспор, кој е десетти гол за македонскиот фудбалер сезонава во најсилната турска лига.

Во последните осум кола во турската Суперлига, Валон Етеми запиша шест погодоци а на сето тоа има и три асистенции.

Истанбулспор со последните победи полека се издвојува од дното на табелата, активно вклучувајќи се во битката за опстанок во Суперлигата.

Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА

  • СПОДЕЛИ:


Се вчитува...