Поранешниот играч на Арсенал, Емануел Пети рече дека некогаш е здодевно да се гледа тимот, кој ја загуби структурата и играта која беше претпознатлива за овој тим.
Пети го коментираше натпреварот со Ливерпул, кој Арсенал го загуби со 1-0, а имаше само еден шут кон голот на „црвените“.
„Понекогаш ми е здодевно да го гледам Арсенал. Сакам да се врати во времето од пред три години кога играше прекрасен фудбал. Потоа тимот демонстрираше брзина и одлично движење во последната третина од теренот. Беше тешко да се сопрат тогаш играчите. Сега се се случува вака: јас ти ја давам топката, ти ми враќаш, јас ти ја давам пак. Дури и на некои играчи им е здодевно. Нема решенија на теренот. Сакам да играат игра со одлични додавања. Пред три години навистина беше задоволство да се гледа Арсенал. Секогаш имаа различни 3-4-5 опции. Не ја заборавајте и ДНК-та на тимот. Одлично движење, одличен пресинг, напаѓачка игра“, рече Пети.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
