Македонските репрезентативци Енис Барди и Езгијан Алиоски одиграа по 90 минути за шпански Леванте односно англискиот Лидс во денешните натпревари од Примера и Чемпионшип лигата во Англија.
Барди ја одигра целата средба за Леванте кој ремизираше без голови на гостувањето против Малага. Леванте, по ова реми, со 16 бода е на делба на 12-та позиција на табелата, додека Малага е на 18. место со само 8 освоени бодови во досегашниот тек од шпанскиот шампионат.
Алиоски, пак, на дуелот на Лидс во ремито (1-1) против Астон Вила играше до 93. минута кога беше заменет само на некоја секунда пред официјалниот крај на натпреварот.
Лидс со 30 бода е на седмата позиција на табелата во Чемпионшип лигата.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
