Голем скандал на повидок е во Реал Мадрид, откако извештаите за тепачка помеѓу Чуамени и Валверде се покажаа како точни, а сега „кралевите“ потврдија дека Валверде има трауматска повреда на мозокот, по што и официјално не игра на „Ел Класико“.
Уругваецот наводно го извлекол подебелиот крај во овој инцидент, и ќе мора да мирува 10-14 дена.
„По денешните прегледи извршени врз нашиот играч Феде Валверде од страна на медицинските служби на Реал Мадрид, му е дијагностицирана трауматска повреда на мозокот“, стои во официјалното соопштение на клубот.
„Валверде е дома и е во добра состојба, но ќе мора да мирува од 10 до 14 дена согласно медицинските протоколи за оваа дијагноза.“, стои во објавата на „кралевите“.
Претходно Реал објави дека е покрената дисциплинска постапка против Валверде и Чуамени.
Parte médico de Valverde.
— Real Madrid C.F. (@realmadrid) May 7, 2026
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
