Ливерпул на пет дена пред големото дерби на „Енфилд роуд“ против Манчестер јунајтед се соочи со огромен проблем, откако беше обелоденето дека Садио Мане го очекува пауза од терените подолга од еден месец.
„Црвените“ преку својата официјална веб-страница потврдија дека Мане се повредил при настап за репрезентацијата на Сенегал, станува збор за проблем со мускулот на ногата, па брзоногиот офанзивец во следните четири до шест сседмици нема да му биде на располагање на Јирген Клоп.
Мане беше најдобар фудбалер на Ливерпул на стартот на сезонава, но потоа заработи суспензија од три меча по црвениот картон на дербито со Манчестер сити. Тој се врати во тимот за последното гостување со Њукасл (1-1), а сега одново нема да биде дел од тимот на „црвените“.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
