Македонскиот каратист Берат Јакупи ќе се бори во финалето на Европското првенство за сениори што се одржува во Кочаели, Турција. Тој обезбеди сребрен медал во борби во категоријата до 84 килограми, а во финалниот дуел ќе ги одмери силите турскиот натпреварувач Угур Акташ, за да го претвори медалот со златен сјај.
Берат Јакупи во првото коло го совлада Русинот Денис Денисенко со 2-1 на поени, во втората беше подобар од Белорусинот Антон Исакау, во четвртфиналето го совлада босанскиот натпреварувач Мерис Муховиќ, а во полуфиналната борба го победи и Гркот Георгиос Цанос.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
