Илија Несторовски е хитот на сезоната во таборот на Палермо, каде неочекувано во заден план падна вториот македонски репрезентативец, Александар Трајковски. Одличниот напаѓач лани имаше низа одлични настапи за сицилијанскиот клуб, но повредата на стартот на сезонава придонесе тој долго време да биде надвор од терените, па Трајковски сега се мачи да влезе во посакуваниот ритам.
Тренерот Луис Диего Лопез на прес-конференцијата пред денешниот натпревар со Калјари беше прашан токму за причините поради кои овој македонски фудбалер многу ретко добива шанса.
„Трајковски е фудбалер со голем потенцијал. Јас знам дека тој може многу повеќе од она што го покажа досега. Поседува квалитет, но мора тоа да го покажува на теренот“ – гласеше одговорот на Лопез.
Останува да се види дали тренерот на Палермо ќе му даде шанса на Александар Трајковски крај незаменливиот Несторовски на денешниот дуел со Калјари, меч на кој сицилијанците мораат да победат доколку сакаат да си ги зголемат минималните шанси за опстанок во Серија А.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
