Борко Ристовски со Барселона ја одбрани титулата во АСОБАЛ лига. Во натпреварот од 24.коло, Барселона на гостински терен славеше против Куенка (27-30) и со 23.победа математички ја обезбеди новата титула во шпанското првенство. За каталонскиот клуб ова е вкупно 25.шампионска титула во Шпанија, осма во серија.
Избраниците на Чави Пасквал ја искористија првата „меч топка“ , потврдувајќи ја фаворитската улога и во овој дуел со Куенка, иако до победата дојдоа многу потешко од очекуваното. Домаќините пружија достоен отпор и настојуваа да држат чекор во играта во поглем дел од натпреварот.
Во првиот дел, Барса не успеа да се одлепи на повеќе од три гола предност, а на полувремето заминаа со водство од 14-16. Отпорот на домаќите продолжи и во второто полувреме кога дојдоа и до минимална предност поведувајќи со 20-19 и одржуваа минимална предност до средината на полувремето. Изедначено беше и на десет минути пред крај кога Куенка со два гола во серија дојде на 24-24. Сепак, Барса беше супериорна во завршницата стигна до триумф за нова шампионска титула.
Македонскиот репрезентативец имаше уште едно извонредно издание на голот на Барселона и запиша 12 одбрани во првиот дел со 46 процентна успешност. Во второто полувреме го замени Гонзало Перез де Варгас и тој заврши со 10 одбрани. Најефикасни во составот на Барселона беа Валеро Ривера, Арон Палмарсон и Алекс Абело со по четири гола. Кај домаќините, Леонардо Дутра Фереира постигна 12 гола.
Следен предизвик за Барселона е реваншот против Монпелје во осминафиналето од Лигата на шампионите во кој викендов во кој Барса треба да надополни три гола негатива по поразот во првиот меч во Франција (28-25).
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
