Американската царинска полиција пресретна пратка од 28 лажни НБА шампионски прстени, пренесуваат медиумите од САД. Утврдено е дека прстените се произведени во Кина, а намерата на анонимниот испраќач била да ги продаде во Аризона како колекција.
Вредноста на оригиналните НБА прстени изнесува 560.000 долари. Дизајнот на прстените е како тој на шампионските прстени кои се лесно достапни на он-лајн мрежите, но не ги вклучува имињата на кошаркарите и го нема написот „Светски шампиони“. Оригиналните шампионски прстени можат да се набават за цена од 10.000 до 40.000 долари, а во некои случаи можат да чинат и неверојатни 200.000 долари.
Медиумите наведуваат дека лажните прстени ги кршат правилата на НБА и на клубовите и дека тоа е главната причина за апсењето.
FAKE CHAMPIONSHIP RINGS: @CBPLosAngeles seized a collection of fake NBA championship rings headed to Arizona from China. If they had been real, they would be worth $560,000. https://t.co/6RYTeqJrXO pic.twitter.com/I7fXEM2gWX
— CBS Los Angeles (@CBSLA) September 11, 2019
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
