Куманово предводен од неверојатниот Младеновиќ стигна до првата победа во годинашната сезона во Суперлигата, откако на домашен терен во трилер натпревар триумфираше над битолскиот Пелистер со 84-79 Битолчани го искористија згаснувањето на АВ Охрид и во своите редови донесоа кошаркари со кои покажаа дека ќе бидат незгоден противник на секој дуел во суперлигата.
Мечот почна израмнето во првите 10 минути се играше кош за кош, а по првата четвртина резултатот беше израмнет 17-17. Во втората четвртина гостите беа за нијанса подобри и на полувреме успеаја да заминат со предност од три поени 32-35.
Во третиот период повторно ниту еден тим не успеа да се одлепи, а домаќините успеаја да бидат подобри за два поени, а по 30. минути имаа негатива од само еден поен 55-56. Клучни беа последните десет минути во кои Кумановци одиграа феноменално во нападот и успеаја да стигнат до конечна победа од 84-79.
Најдобар поединец во победничкиот табор беше Марјан Младеновиќ со уфрлени 24 поени, надополнети со 17 асистенции и 8 скока, а одличен беше и Јанески со 24 поени. Кај поразените се истакнаа Мекиќ со 23 и Цветковски со 21 поен.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
