Поранешната прва тенисерка во светот, Марија Шарапова ќе добие специјална покана за учество на првиот грен-слем во сезоната, Австралија опен, соопшти организаторот. Шампионката од Мелбурн од 2008 година, во моментов е 147. тенисерка на ВТА листата.
„Неверојатно е што повторно ќе бидам во главниот ждреб на турнирот. Убави спомени ме поврзуваат со Мелбурн. Еднаш го освоив, но губев и тешки мечеви во финалето. Мило ми е што ќе имам нова шанса“, изјави накратко популарната Маша.
Шарапова сезоната ја почна со пораз во првото коло во Бризбејн. Годинашното издание на Австралија опен почнува на 20. јануари, а ќе заврши со машкото финале кое е закажано за 2. февруари.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
