Давор Палевски и во следната сезона ќе продолжи да го носи дресот на Тинекс Пролет откако потпиша нов едногодишен договор со скопскиот клуб. За услугите на квалитетното лево крило се интересираа уште неколку македонски суперлигаши, но тој ја избра понудата на Пролет и во наредната сезона повторно ќе биде еден од главните адути во атакот на висок пласман на табелата.
Палевски дојде во редовите на Пролет пред две сезони од екипата на Работнички. Тој беше меѓу најстандардните ракометари во нашата екипа, пa на обострано задоволство соработката ќе продолжи уште најмалку една година.
Пролет претходно потпиша нови договори и со капитенот Ласко Андоновски и десното крило Мартин Димов, а како ново засилување пристигна македонскиот репрезентативец Томи Јагуриновски.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
