Ракометните суперлигаши веќе наголемо ги планираат играчките ростери за наредната сезона, а дел од нив летово ќе извршат промени и на тренерските функции.
Тиквеш остана без тренерот Горан Андоновски кој се врати во Охрид, а на негово место се очекува да пристигне Данило Брестовац. Поранешниот македонски селектор имаше успешна авантура во Саудиска Арабија, но сега е подготвен за камбек во татковината, а Тиквеш е лидер во трката за негов ангажман. Преговорите се во напредна фаза и се очекува во најскоро време да дојде до потпис меѓу екс-тренерот на Металург и амбициозниот кавадаречки клуб.
Нов кормилар од наредната сезона се очекува да има и тимот на Скопје, кој едвај обезбеди опстанок во елитното друштво во пенал-рулетот од баражот против Аеродром. Нов тренер на РК Скопје се очекува да биде Горан Кузманоски, поранешниот македонски репрезентативец кој по две години си заминува од клупата на Прилеп и ќе се пресели во главниот град.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
