Македонскиот репрезентативец Илија Несторовски е пред трансфер во кипарскиот прволигаш АПОЕЛ, тврдат медиумите од островската земја.
Според пишувањата на тамошните медиуми, Несторовски е број еден на листата желби на тимот од Никозија. Веќе се реализирани и првите разговори за трансфер на македонскиот напаѓач кој се очекува до крајот на месецов да ја донесе дефинитивната одлука околу продолжувањето на својата кариера.
Јасно е дека Несторовски го напушта Удинизе, а за неговите услуги претходно интерес покажуваа и италијанските второлигаши Палермо, Венеција и Пиза.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
