Брегалница продолжува со засилувањата за новата сезона во Првата македонска фудбалска лига, овој пат со интернационалците од Костарика, Фабрицио Де Јесус Венегас односно од Панама, Џамал Дикенс.
И двајцата доаѓаат од екипата на Футбол Консултанс Декампаредос од шампионатот на Костарика.
24-годишниот Венегас ќе го засили офанзивниот среден ред и нападот на тимот, а претходно во својата кариера, покрај за Футбол Консултантс, има настапувано и за Санта Ана, исто така во костариканското првенство.
21-годишниот Дикенс, пак, е централен дефанзивец, кој може да игра и на левата дефанзивна позиција. Исто така доаѓа од Футбол Консултантс од Костарика, а претходно настапувал и во клубови во својата родна Панама.
Пред Дикенс и Ванегас, Брегалница се засили и со голманот Мартин Давков, како и десниот бек Ване Јованов, кои се повратници меѓу „сините“.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
