Калифа Гедбан последен се приклучи на шампионскиот проект на Еурофарм Пелистер, одличниот голман му се стави на располагање на тренерот Јовиќ и уште повеќе ја зголема конкуренцијата во овој дел од тимот, каде стручниот штаб на располагање ги има и Кизиќ и Словенецот Лесјак.
По минатите подготовки со тимот во Маврово, Гедбан не го крие задоволството што е дел од битолскиот клуб и најавува добри резултати ан тимот во сите натпреварувања.
„Многу сум среќен што се вратив во Македонија, овојпат во друг клуб – во Еурофарм Пелистер. Навистина сум среќен. Мислам дека имаме добар тим, мора да се бориме за домашната титула, а ќе играме и во Лигата на шампионите. Нема да биде лесна сезона, но мора да се бориме за секој натпревар. Го посетив градот 3-4 пати претходно, а сега ќе живеам тука. Ми се допаѓа градот, луѓето исто така и не се чувствувам како странец, туку како да сум дома. Лигата на шампионите е најважното натпреварување во светот на ракометот. За Еурофарм Пелистер многу е важно што ќе учестува оваа сезона. Ќе биде интересен и голем предизвик за сите нас“, изјави Гедбан.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
