Домаќинот Охрид не успеа триумфално да почне со настап на турнирот „Крсте Андоновски“, откако охриѓани во во мечот во салата „Билјанини извори“ беа поразени од грчкиот гигант Олимпијакос со 31-34.
Гостите од Грција доминантно го почнаа натпреварот, поведувајќи со 6-1 и со 7-2, но Алушовски успеа да ги разбуди своите ракометари, охриѓани заиграа далеку подобро и набрзина намалија на 7-6. Олимпијакос повторно накратко се одлепи, но Охрид имаше рецепт за камбек и на одмор се замина со предност на грчкиот тим од два гола разлика (15-17).
„Црвено-белите“ го контролираа темпото на мечот, во неколку наврати од вториот дел успевајќи да се одлепат, најпрвин на „плус четири“, нешто подоцна и на „плус шест“ (25-19). Охрид подобро го финишираа мечот, намалија на три гола, но немаа сили за целосен камбек, губејќи го овој натпревар со конечните 31-34.
Гоце Ојлески беше прв стрелец на Охрид со пет погодоци, пред Тасевски, Бојаниќ и Цирар со по четири постигнати гола.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
