Елиф Елмас беше голем џокер за ново-стариот тренер на Наполи, Валтер Мацари. Македонскиот играч влезе во игра и во 80. минута постигна гол, со кој гостите стигнаа до победа од 1-2 на гостувањето во Бергамо кај Аталанта.
Репрезентативецот на Македонија во 63. минута влезе од клупата на местото на Политано, а 16 минути подоцна на асистенција на Осимен, успеа да го совлада Карнесеки.
„Го сменивме тренерот, а победивме на тешко гостување против силен тим како Атланта. Беше многу важно да победиме. Последниве денови покажавме заедништво, и тоа го покажавме на терен. Мацари многу ни помогна со некои работи. Одлично работевме деновиве, и убаво е што после подолго време дадов гол“, рече Елмас.
Што се однесува до голот, Дијамантот му се заблагодари и на Виктор Осимен.
„Ова е и гол на Виктор истотака, не само мој. Не секој би ја додал топката во ситуацијата во која се најде Виктор, многумина би шутирале. Треба да размислуваме за натпревар по натпревар, да тренираме, и да бидеме подобри како одминува времето. Ќе видиме дали може да се бориме за титулата. Срцето кое го покажував кон камерата беше за навивачите, сите ги сакам“,објасни Елмас.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
