Ракометарите на Австрија сами си се избришаа од можноста за полуфинале на Европското првенство 2024 откако во последниот натпревар од втората етапа неочекувано загубија од Исланд со 24-26.
На Австрија, која беше хит на ЕВРО 2024, и беше неопходна победа за да дојде до 6 бода и втора позицијана табелата и да се надева на пораз на Германија од Хрватска вечерва. Но, сега веќе останаа без шанси за полуфинале.
Очајното прво полувреме кое го загубија со 8-14 им пресуди на Австријците, кои во второто полувреме успеаја да се вратат и до нерешено 23-23, но во финишот немаа сили за целосен пресврт.
Гудјонсон со осум гола беше најдобар кај Исланд, а Вагнер кај Австрија постигна седум гола.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
