Шампионот на Македонија, Пелистер ги започна подготовките за вториот дел од сезоната на домашната и интернационалната сцена.
Без осум репрезентативци, кои ќе настапат на Светското првенство, денеска беше одработен првиот тренинг, а, како што информираат од клубот, деновиве следуваат тестови и тренинг сесии во спортската сала „Боро Чурлевски“.
Македонските репрезентативци: Митревски, Кузмановски, Пешевски, Петар и Павле Атанасијевиќ и Костески, Тунижанецот Хосни и Словенецот Цехте ќе се приклучат штом ќе им завршат активностите на Светското првенство во Хрватска, Норвешка и Данска.
Вториот дел од подготовките, од 1 февруари, екипата на Пелистер ќе го реализира во Стара Пазова (Србија). Првиот официјален натпревар во 2025 година е на 8 февруари против Куманово на домашен терен.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
