Манчестер Сити и Брајтон ремизираа со 2-2 во 29. коло од Премиерлигата во суперинтересен натпревар во кој гостите два пати се враќаа од негатива.
Халанд од пенал во 11. минута донесе предност за „граѓаните“, но истата траеше само 10 минути бидејќи во 21. минута Еступиан изедначи на 1-1. Мармуш постигна во 39. минута за 2-1, но во 48. минута автоголот на Хусанов донесе поделба на бодовите.
FULL-TIME | The points are shared.#ManCity | @okx | @citcmancity pic.twitter.com/SUMWTrs6vI
— Manchester City (@ManCity) March 15, 2025
Нотингем Форест влезе во нова победничка низа славејќи со 2-4 на гостувањето кај Ипсвич. Гостите победата ја осигураа од 35. до 41. минута кога мрежата прв ја затресе Миленковиќ, а Еланга со два гола донесе висока предност за својот тим. Во 82. минута Кајусте намали на 1-3, Силва во 87. минута одново ја зголеми предноста за 1-4, а конечните 2-4 ги постави Хирст со гол во 93. минута.
Во останатите натпревари:
Евертон – Вест Хем Јунајтед 1-1
Саутемптон – Вулверхемптон 1-2
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
