Поранешниот турски репрезентативец Арда Туран, ќе биде новиот тренер на украинскиот гигант Шахтјор Доњецк. Овој тим не успеа да ја освои титулата во Украина, која му припадна на Динамо Киев, и се реши на тренерска смена. Досега тимот го водеше Марино Пусиќ, кој и претходно најави заминување.
Ова е изненадување, со оглед дека Туран нема големо тренерско искуство. Тој од април 2023 година е тренер на Ејупспор, што е прв негов тренерски ангажман во кариерата. Го внесе тимот во најсилната турска лига, и во моментов е шести на табелата со 50 бодови.
Тој веќе се договорил и потпишал договор со украинскиот тим. Ќе има задача да го врати тимот на шампионските патеки, како и да го изнесе во Лигата на шампионите. Следната сезона Шахтјор ќе игра во квалификациите за Лигата на Европа, а тимот ќе ја заврши сезоната на третата позиција.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
