Светот на фудбалот е во шок по веста за смртта на Диого Жота. Фудбалерот на португалската репрезентација и на тимот на Ливерпул, загина утрово во страшна сообраќајна несреќа заедно со неговиот брат Андре, откако нивниот автомобил излетал од патот и се запалил.
Жота во март 2022 година играше и против Македонија во баражот за пласман на Светското првенство во Катар. Тој беше стартер во нападот заедно со Роналдо и Отавио, а потоа во вториот дел ја напушти играта.
На тој меч Португалија славеше со 2-0, по што славеше пласман на Мундијалот заедно со еден од најдобрите играчи на денешницата, Кристијано Роналдо.
Пред неколку недели се закити и со трофејот во Лигата на Нации со својата репрезентација, како и титулата во Англија со Ливерпул.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
