На Челси му се потребни 60 милиони фунти од продажба за да регистрира нови играчи во Лигата на шампионите. Минатата недела УЕФА го казни клубот за неправилности во пријавувањето приходи и надминување на ограничувањата за трошоци на тимот.
Според „Тајмс“, Лондончани нема да можат да додадат нови играчи во тимот за следната сезона во Лигата на шампионите освен ако не остварат позитивен трансферен биланс. Ова значи дека сите нови трошоци ќе мора да бидат покриени од играчите што заминуваат. Никакви бонуси за Светското клупско првенство или други исплати нема да можат да му помогнат на клубот во ова прашање.
Челси сè уште не ги регистрирал засилувањата од Лигата на шампионите, Лиам Делап, Жоао Педро и Џејми Гитенс , додека Естевао, Дариу Есугу, Андреј Сантос, Мамаду Сар и Мајк Пендерс исто така би можеле да им се придружат доколку не заминат на позајмица.
Се проценува дека Челси можеби ќе треба да продаде играчи во вредност од 60 милиони фунти за да ги регистрира сите споменати играчи и да ги исполни барањата на УЕФА за „позитивен биланс“, во спротивно нема да може да се регистрираат нови играчи.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
