Трамп и натаму си прави шоу: Откри дека на Челси им дал копија од трофејот за светски шампион, а кај него е оригиналот!

  • Екипа
  • 16.07.2025 / 09:33
  • СПОДЕЛИ:

И три дена по финалето на Светското клупско првенство се уште се зборува за однесувањето на претседателот на САД, Доналд Трамп кој одби да се тргне од победничкиот подиум откако заедно со Џани Инфантино му го предаде трофејот на капитенот на Челси.

Но, сега продолжува шоуто на Трамп откако призна дека на фудбалерите на Челси им дал копија од трофејот, а во Белата куќа останал оригиналот. Пред финалето, Инфантино дошол кај него за да му го покаже оригиналот, но потоа одлучил да го остави таму.

„Ги прашав кога ќе си го земат трофејот и ми рекоа дека тоа нема да се случи. Може засекогаш да остане во мојата канцеларија, а тие прават нов. Уште е тука кај мене“ – откри Трамп.

Светскиот клупски шампион секако не го добива трофејот, кој е вреден 250.000 долари во трајна сопственост, туку тој да се доделува на секој нов првак. Челси има веќе копија, па нема да мора да ја враќа.

Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА

  • СПОДЕЛИ:


    Се вчитува...