Шведскиот напаѓач Александар Исак го привлече изминатата сезона вниманието кон себе со своите одлични настапи во дресот на Њукасл, по што Ливерпул покажа најголем интерес за неговите услуги. Сепак, нема ништо од трансферот на Енфилд. Но, изненадувачки Исак не останува во Њукасл, па многумина беа изненадени кога слушнаа каква понуда разгледува Исак изминативе неколку дена.
Њукасл првично постави цена од 100 милиони евра за него, а Ливерпул даде сè за да го доведат Исак на Енфилд и се чинеше речиси сигурно дека тоа ќе биде неговата следна дестинација. Но, нема ништо од сето тоа.
Клубовите не успеаја да се договорат за обештетувањето, а Исак наводно имал услови за договорот со кои Ливерпул не сакал да се согласи. На крајот, одењето на „Енфилд“ стана невозможна мисија, а Ливерпул одлучи да го насочи својот фокус кон Уго Екитике, кој најверојатно ќе биде нивниот нов напаѓач.
Кога станува збор за Исак, се очекуваше дека тој ќе остане во Њукасл по сè, но последната вест остави многумина без зборови.
Се наведува дека Исак ја разгледува опцијата да оди во Саудиска Арабија бидејќи добил астрономска понуда, а Њукасл исто така нема ништо против тоа со оглед на тоа дека би заработиле дури 120 милиони евра.
„Дејли експрес“ пишува дека Исак веќе испратил порака дека е отворен за таков трансфер и дека не сака да ја исклучи Саудиска Арабија како следна дестинација за него иако е на врвот на својата кариера.
Се шпекулира дека Ал Хилал му нуди на Исак вистинско богатство и дека тој би бил еден од најплатените играчи во таа лига ако се согласи на трансферот.
🚨 MAJOR BREAKING!
Alexander Isak has given an initial GREEN LIGHT to start discussions with Al-Hilal. 🇸🇪
Talks are ongoing between the Saudi club and his agents. 🤝
ℹ️ @Santi_J_FM pic.twitter.com/xClQd8tmoN
— Polymarket FC (@PolymarketFC) July 18, 2025
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
