Манчестер Јунајтед наскоро и официјално ќе ги засили редовите со Брајан Ембеумо откако камерунскиот репрезентативец успешно ги помина медицинските прегледи.
Ембеумо е долгоочекувано засилување за „црвените ѓаволи“. Преговорите траеја уште од почетокот на преодниот рок, а беше постигнат договор за обесштетување од фиксни 65 милиони фунти и дополнителни шест милиони фунти низ бонуси со тоа што обесштетувањето ќе биде платено на четири рати.
Очекувањата за 25-годишникот кој изминатата сезона постигна 20 голови во Премиерлигата се големи и во него се гледа решение за проблемите во нападот на Манчестер Јунајтед кој во една од најлошите сезони во својата историја постигна само 44 голови.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
