Доскорашниот напаѓач на Милан, Лука Јовиќ е многу блиску до потпис на договор со грчкиот тим АЕК Атина, јавува „Марка“.
Наводно српскиот интернационалец е веќе во Атина, каде што во следните денови ќе треба да потпише за „жолто-црните“, каде тренер е неговиот сонародник Марко Николиќ.
27-годишниот напаѓач беше пред трансфер во Мексико, а потоа преговараше и со Овиедо, но двата трансфери пропаднаа, па сега е пред селидба во нашиот јужен сосед.
Јовиќ во минатото беше дел од Фиорентина, Реал Мадрид и Ајнтрахт Франкфурт. Тој беше поврзуван и со кам-бек во Црвена Звезда, но поради превисоките примања, овој трансфер не беше можно да се случи.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
