Фенербахче ја заврши потрагата по наследник на Жозе Мурињо, но со изненадувачки избор, откако управата на турскиот гигант денеска потпиша двогодишен договор со 39-годишниот италијански стратег Доменико Тедеско.
Фенер беше поврзуван со звучно име како Зинедин Зидан, како опции се споменуваа и Терзиќ, Спалети и Консеисао, но на крајот изборот падна токму врз Тедеско, иако овој стручњак има освоено само еден трофеј во кариерата, купот на Германија на чело на Лајпциг.
„Доменико Тедеско е именуван за тренер на нашиот А-тим. Помошник ќе му биле Гокхан Гонлу, еден од бројните поранешни капитени на нашиот тим“, објави Фенербахче ан официјалната веб-страница.
Последен ангажман на Тедеско беше како селектор на Белгија од 2023 до 2025 година, пред да добие отказ поради слабите игри, но и бројните конфликти со клучните играчи во националниот тим.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
