Македонија шампионот во женска конкуренција ќе го добие преку „мајсторка“ во Струмица откако во четвртиот натпревар од финалето на плејофот, Работнички Скопје со 3-0 (25:15, 27:25, 27:25) го совлада Наковски Волеј пред својата публика во СЦ “Борис Трајковски” и израмни на 2-2 во финалната серија.
Конкурентите за титулата како и на претходните натпревари така и денеска понудија одличен натпревар, кој беше неизвесен особено во вториот и третиот сет.
До прва максимална победа над Наковски Волеј сезонава Работнички Скопје го предводеа Тамара Стојанова и Антонија Баталаковска со по 12 поени како и Андротеа Милевска со 11 поени.
Кај Наковски Волеј, Сара Марковиќ запиша девет поени, Ивана Милева имаше осум, додека Мила Долдурова и Ива Стојковска имаа по шест.
„Мајсторката“ се игра в понеделник, во 18 часот, во Струмица.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
