Репрезентацијата на САД е новиот светски првак во фудбал, откако во големото финале беше совладана Холандија со 2-0. Американките во голем стил стигнаа до титулата, постигнувајќи 26 гола на Мундијалот што се одржуваше во Франција, што е апсолутен рекорд на светските шампионати за жени.
Триумфот е апсолутно заслужен ако се земе во предвид фактот дека Американките доминираа цел натпревар, создадоа бројни шанси и на крајот се искачија на тронот. Холандија умешно се бранеше се до 60. минута, кога Ван дер Грат изреагира почетнички и ја фаулираше Алекс Морган во шеснаесетникот. Судијката најпрвин покажа корнер, но по прегледување со ВАР оправдано ја смени одлуката и досуди пенал што Рапино го претвори во водечки погодок. Дилемите околу победникот беа разрешени во 69. минута, кога Лавел по еден одличен соло-продор со прецизен удар од работ на шеснаесетникот го запечати големиот триумф.
За САД ова е четврта титула светски првак во женски фудбал, додека Холандија остана без круна на светската сцена.
Megan Rapinoe with another goal in #WomensWorldCup2019 pic.twitter.com/30SGS12eDG
— Dov Kleiman (@NFL_DovKleiman) July 7, 2019
With Van de Gragt retreating slowly, Lavelle drives at her body, using a simple shot fake to shift the ball to her left and open her view of goal. Her toes stay pointed during the low follow through, causing the ball to drop perfectly and skid into the corner. #USANED #FIFAWWC pic.twitter.com/yJ6MWUW03j
— finishingschool (@finishingschoo3) July 7, 2019
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
