Никола Јокиќ одигра фантастичен натпревар против Јута, но тоа за неговиот тим не беше доволно за победа во синоќешниот НБА натпревар.
Јута на гости славеше против Денвер, со 105-109, а победникот беше одлучен во последните миути. Јокиќ на крајот заврши со 35 поени, 14 скока, а го делеше само една асистенција од „трипл-дабл“ ефект.
Гостите до победа ги водеа Кларксон со 23 поени, Гоберт со 15 поени и 13 скока, а одличен беше и Богдановиќ со 17 поени.
Де’Арон Фокс беше одличен во дресот на Сакраменто против Њу Орлеанс, но тоа не помогна за неговиот тим. Кинг загубија од Пеликанс со 123-128. Фокс мечот го заврши со 43 поени и 13 скока. Гостите ги предводеше Вилијамсон со 31 поен.
ЛА Клиперс без проблеми славеа против Индијана со 129-96. Морис и Џорџ постигнаа по 20 поени, за гостите се истакна Мекдермот со 23 поени.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
