Шкендија денеска од 19:30 часот против гибралтарска Европа на стадионот „Парк Европа“ ги стартува своите настапи во квалификациите од Конференциската лига на УЕФА.
Шкендија ја започнува новата европска кампања со јасна цел да го помине првото коло и да ги повтори успесите од претходните години.
Натпреварот е официјално деби на новиот тренер, Артим Положани, на чело на црвено-црните, кој за денешниот дуел ќе може да смета на сите расположиви сили со исклучок на Себастијан Спахиу кој има проблеми со повреда и неговиот настап останува под знак прашалник.
НАЈВАЖНИТЕ ФАКТИ ЗА ЕВРОПСКИТЕ НАСТАПИ НА ШКЕНДИЈА
- Ова ќе биде 70-ти официјален натпревар на Шкендија во европските купови, и 15-тиот настап во историјата и 13-тиот едноподруго на меѓународната сцена.
- „Црвео-црните“ играат по историска сезона, каде што успеаја да стигнат до главната фаза од Конференциската лига и играа европски натпревари до февруари.
- ФК Европа е осумкратен шампион на Гибралтар, но се карактеризира со состав каде што 85% од играчите се Шпанци, предводени од италијански тренер.
- Поради својот состав, ФК Европа ги одржува своите тренинзи во шпанскиот град Сан Роке, многу блиску до Гибралтар.
- Натпреварот ќе се игра во објект кој не се користи само за фудбал, туку редовно се користи и за крикет и рагби од сите тимови во домашното првенство.
- Ова е нивниот 11-ти настап во Европа. Само еднаш го поминале првото коло: во 2019 година против тимот од Андора, додека во 2020 година во квалификациите за Лигата на шампионите и Лигата на Европа против Црвена Звезда и Ѓургарден.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
