Горан Пандев настапи за „тимот на светот“ на вечерашниот спектакл против славната романска генерација од СП 1994, македонскиот ас дури успеа да постигне и гол со кој неговиот тим поведе со 0-2, но Романците направија пресврт и на крајот славеасо минимални 3-2 во овој празник на фудбалот во Букурешт.
Тренер на Пандев и на тимот на светот беше славниот Жозе Мурињо, со кого македонската фудбалска легенда имаше беспрекорна соработка во Интер, а новата средба со „специјалниот“ навистина беше „специјална“.
Мурињо на својот инстаграм профил објави неколку стори-фотографии, една од нив токму со Пандев, со назив „Македонски крал“.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА