Српскиот кошаркар, Никола Јовиќ може да каже дека имашe година од соништата, откако играше во големото НБА финале со Мајами Хит, потоа финалето на Мундобаскетот со Србија, а потоа заврши и Средно училиште.
По сето тоа, а пред почетокот на подготовките за новата сезона во НБА, Јовиќ даде интервју за „Мајами хералд“ за кое ги сумираше впечатоците од 2023 година.
„Првичната идеја беше да одам во Србија и да му помогнам на тимот колку што можам. Навистина сакав да видам каде сум во моментов, колку сум добар во споредба со нашите момци бидејќи пораснав гледајќи ги и често мислев дека сакам да бидам како нив. Затоа, навистина сакав да видам каде сум во споредба со нив во моментот. Се разбира, бев целосно посветен на работа и обид да се подобрам. Тренерот веруваше во мене и направив големи работи за тимот, па се чувствував одлично. За мене беше навистина важно да продолжам да играм. Кога се вратив од Светското првенство завршив средно училиште. Имавме голема прослава за Светското првенство. Ден потоа отидов на училиште да завршам. Тоа беше практично два дена по завршувањето на Светското првенство. Потоа го прославив дипломирањето со ручек со моето семејство“, изјави Јовиќ.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
