Јапонскиот ски-скокач Норијаки Касаи нема да учествува на турнејата „Четири скокалници“ првпат по 25 години. 47-годишниот Јапонец не е пријавен за настап на ниту една од четирите етапи на новогодишната турнеја.
„Тешко е. Не се чувствувам најдобро кога сум на скокалница. Физички сум добар и затоа нема да се предадам. Одиме понатаму“, изјави Касаи.
За Касаи ова е 31. сезона во Светскиот куп, а поголемиот дел од неговите денешни конкуренти не биле ниту родени кога тој во 1988 година го имаше дебито меѓу најдобрите ски-скокачи во светот.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
