Лео Меси неверојатната фудбалска кариера ја продолжува во Интер Мајами каде пристигна како слободен играч по истекот на договорот со ПСЖ. За Аргентинецот постоеше опција за камбек во Барселона, како и богата понуда од Саудиска Арабија, но се одлучи за МЛС лигата.
Говорејќи на промоцијата еден од најдобрите фудбалери во историјата изјави дека е пресреќен што е тука, сака да победува и клубот да расте, а не ја пропушти и можноста да им се заблагодари на раководството и навивачите на клубот за топлиот пречек.
„Им благодарам на луѓето во Мајами за топлиот пречек. Многу сум возбуден што ќе бидам тука со вас. Сакам да им се заблагодарам и на луѓето од раководството на клубот што направија се да помине во најдобар можен ред и да се чувствуваме како дома. Сакам да почнам да тренирам, да се натпреварувам и навистина сакам да победувам и овој клуб да расте“, изјави Меси.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
