Македонската планинарка Илина Арсова ја исполни својата мисија искачувајќи ги седумте највисоки врвови на седумте континенти. Последниот врв во низата беше Винсон кој се на наоѓа на висина од 4892 метри на Антарктикот.
Арсова е прва планинарка со ваков подвиг во нашата земја, а со вакво постигнување можат да се пофалат околу 60 жени планинарки во светот.
„Со ова искачување станав прва жена од нашата земја и една од 60 во светот кои ги искачиле највисоките врвови на сите континенти (по Меснерова листа), како врвен успех во планинарските спортови. Незаборавно искуство и прекрасно чувство! Огромна благодарност до Агенција за млади и спорт и Федерација за планинарски спортови, како и сите останати поддржувачи, спонзори и пријатели кои веруваа и беа со мене. Нека ова биде поттик за сите вас да верувате во невозможното и да сонувате бидејќи со многу волја, упорност и труд, порано или подоцна соништата се остваруваат!“ – истакна Илина Арсова по искачувањето на врвот Винсон.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
