Легендарниот квотербек на НФЛ тимот на Њујорк Џајантс, Илај Менинг најави дека заминува во пензија. Менинг се повлекува по 16 години поминати во франшизата од Њујорк со која два пати го освојуваше „Супербоулот“ и тоа ни повеќе ни помалку туку против легендарните Њу Ингланд Петриотс, предводени од Том Брејди.
Првиот трофеј тој го освои во 2008 година, кога успеа да им го нанесе на Петриотс единствениот пораз и да спречи идеална сезона на клубот од Бостон. Вториот супербоул тој го освои во 2012 и тоа против истиот противник. И во двете победи беше избран за МВП на натпреварот.
Менинг е единствен играч кој поминал 16 години во Џајантс, а е рекордер и по бројот на одиграни натпревари (248). По бројот на фрлени јарди и тачдауни е на седмото место во историјата на НФЛ, а е седми и по комплетирани пасови (4.895).
Eli Manning announces retirement.#ThankYouEli
— New York Giants (@Giants) January 22, 2020
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
