Хабиб Нурмагомедов по бројни шпекулации конечно донесе одлука против кого ќе го брани појасот во лесна категорија во УФЦ, прифаќајќи борба против Тони Фергусон. Дагестанецот не го прифати барањето за реванш на Конор Мекгрегор, па наместо со него реши да влезе во октагонот против Тони Фергусон, борба закажана за 18 април во Бруклин.
Информацијата на твитер ја потврди и менаџерот на Хабиб, Али Абделазиз, истакнувајќи дека Хабиб го ставил потписот на договорот за борбата.
Here we go. The champ signed his bout agreement against tony Ferguson. This man has been asking for this ass whooping and now he has earned it April 18th the eagle will land in Brooklyn one more time. This one is for the fans. pic.twitter.com/ifG2f9Yt9l
— Ali Abdelaziz (@AliAbdelaziz00) November 26, 2019
Така, Нурмагомедов и Фергусон конечно ќе ги одмерат силите во октагонот, откако претходно поради повреди на двајцата борци нивните пресметки четири пати беа откажувани. Нурмагомедов се уште не знае за пораз во УФЦ, со скор од 28-0, додека Тони Фергусон се наоѓа во серија од 12 победи и вкупно има 25 победи и само три порази во кариерата.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
