Излезе од печат специјалното издание „Мапа на трговци“ подготвено од магазинот InStore, издавач „Кликер маркетинг“. Тоа е прва едиција посветена на малопродажбата во земјава, што воопшто е издадена кај нас, а е особено значајна за малопродажниот сектор во Македонија.
„Мапа на трговци“ е пионерски чекор на македонскиот пазар. Ја прикажува комплетната слика на малопродажбата во земјава, преку поединечно претставување на трговците низ повеќе параметри, со информации за нив и дополнителни анализи за нивното работење. Изданието можете да го видите тука.
Во „Мапа на трговци“ се објавени релевантни анализи на пазарот – малопродажни објекти по формати, број на објекти на трговците, регионална покриеност, приходи, број на SKU-а, информации за приватни трговски марки. Извори на информациите се трговците, приватната база на податоци „Бизнис мрежа“ и истражувачките агенции: „Нилсен“, „Индаго“, „Фокус марктфоршунг“, „Инсајдер ИД“, „Еуромонитор“, „Делоит“, „Ипсос“, „Биснод“, „Оливер Вајман“ и „Либенсмител цајтунг“. Истражувањата покажуваат дека македонските потрошувачи трошат и до 250 евра месечно за производи од FMCG-секторот, а 30 отсто од производите се продаваат во КА. Ова значи дека малопродажбата во Македонија има простор за модернизирање и премиумизација, задоволувајќи ги трендовите и потребите на новите генерации.
Успешни изданија на „Мапа на трговци“ имаа и регионалните редакции на InStore во Србија и во Хрватска.
Специјалното издание е дистрибуирано до целокупниот малопродажен сектор во земјата, во тираж од 4.000 примероци.
Комерцијален текст
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
