Холандскиот шампион Ајакс го продолжи договорот на тренерот Ерик тен Хаг до 2022 година. Холанѓанецот годинава го водеше тимот од Амстердам до двојната титула во домашното првенство, но и до полуфиналето во Лигата на шампионите, натпреварување во кое Ајакс беше вистински хит.
Тие беа несреќно елиминирани во полуфиналето од Тотенхем со голот на Лукаш Моура во судиското надополнување, а на патот до четирите најдобри во Европа, младиот тим од престолнината на Холандија ги елиминираше актуелниот европски шампион и освојувач на континенталното натпреварување во последните три години, Реал Мадрид, како и најтрофејниот италијански тим Јувентус.
Се шпекулираше дека Тен Хаг може да седне на клупата на Баерн Минхен, но сепак од раководството на Ајакс навремено реагираа и го продолжија договорот со него до 2022 година.
Our vision, our future. ?#ForTheFuture
— AFC Ajax (@AFCAjax) June 20, 2019
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
