Оливие Жиру постигна два гола во победата на Франција од 3-0 против Бугарија откако влезе во игра на местото на Карим Бензема.
Но, не беше задоволен од соработката со Килијан Мбапе и тоа по мечот јасно го потенцираше.
„Бев невидлив затоа што секогаш кога ќе истрчам во напад не добивам топки“ – рече Жиру, алудирајќи на себичноста на Мбапе.
Л’Екип тврди дека Мбапе бил толку лут на оваа изјава што планирал и брифинг со медиумите како би и се обратил на јавноста. Но, селекторот Дешамп го одбил неговото барање да му се овозможи тоа, порачувајќи му да се фокусир на Европското првенство.
За проблемот меѓу Мбапе и Жиру зборуваше и Пол Погба, кој рече дека ништо посебно не се случува меѓу нив двајцата.
Денешниот тренинг, сепак, донесе помирување ако се суди според фотографиите од подготовките на „петлите“.
Réconciliation entre Kylian Mbappé et Olivier Giroud. #FRA pic.twitter.com/G75KyEy6c0
— Actu Foot (@ActuFoot_) June 10, 2021
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
