Реал Мадрид заврши работа за 20 минути и закажа полуфинале со ПСЖ

  • Екипа
  • 06.07.2025 / 00:01
  • СПОДЕЛИ:
фото: X/ - Real Madrid

Реал Мадрид е последниот полуфиналист на клупскиот мундијал во САД откако „кралевите“ полесно од очекувањата триумфираа над Борусија Дортмунд со 3-2. Избраниците на Чаби Алонсо одиграа одличен меч, победата осигурувајќи ја уште во првите дваесет минути игра.

Гонзало уште еднаш доби шанса пред Мбапе и тоа се покажа како одличен потег бидејќи токму шпанскиот напаѓач го отвори резултатски, мајсторски стрелајќи по маестралната асистенција на Арда Гулер.

Десетина минути подоцна веќе беше зголемено откако Фран Гарсија одлично се снајде и го постигна вториот гол за Реал Мадрид. „Кралевите“ делуваа во целосна контрола, но Борусија сепак успеа да намали, со голот што во судиското продолжение го постигна резервистот Бајер. Toa не беше и крај на возбудувањата, Борусија тргна на се или ништо во обид да стигне до израмнување, но на спротивната страна Килијан Мбапе погоди за 3-1, пред Гираси од пенал да ги постави конечните 3-2, откако Хујсен доби црвен картон во судиското продолжение.

Шпанскиот гигант во полуфиналето го очекува вистински предизвик – дуел со европскиот првак ПСЖ кој дефинитивно ќе биде „финале пред финалето“ на овој клупски мундијал.

Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА

  • СПОДЕЛИ:


Се вчитува...