Дуелот од НХЛ-лигата меѓу Анахајм и Сент Луис беше прекинат во третата четвртина, откако гостинскиот хокеар Џеј Баумистер имаше срцев удар среде натпревар. Мечот беше прекинат на 7:50 минути до крајот при резултат 1-1, а за среќа целата случка не заврши трагично.
Тој се струполи додека седеше на клупата за резерви, по што лекарите на двата тима експресно му пружија помош, помагајќи му да ја добие најважната битка.
„Благодарение на брзиот одговор на нашите лекари, како и на докторската служба на Анахајм, бевме во можност да го стабилизираме Џеј“, изјави менаџерот на Сент Луис Блуз, Даг Армстронг.
Џеј Баумистер (36 години) е роден во Канада и настапува во НХЛ од 2002 година, кога како трет пик на драфтот беше избран од Флорида. Седум години подоцна се пресели во Калгари, а ова му е веќе осма сезона во дресот на Сент Луис. Тој има два настапи на олстар-натпреварите во НХЛ, а со селекцијата на Канада го освои олимпиското злато во Сочи во 2014 година.
Jay Bouwmeester collapses on the Blues bench. Game has been delayed pic.twitter.com/wOJkAFANCT
— Brady Trettenero (@BradyTrett) February 12, 2020
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА