Деле Али некогаш беше еден од најдобрите играчи во англиската Премиерлига, додека брилијантно играше во Тотенхем.
Тотенхем беше исклучително моќен офанзивен тим во тоа време, бидејќи покрај Деле Али, ги имаа и Хари Кејн и Хеунг-Мин Сон.
Деле беше и репрезентативец на Англија, но кога се очекуваше дека ќе направи пробив во кариерата, сè тргна наопаку. Момчето кое некогаш чинеше 100 милиони евра целосно исчезна од сцената во своите најдобри години. Поради проблеми во приватниот живот, повеќе не можеше да се фокусира само на фудбалот, а неговата сериозна кариера беше завршена.
По Тотенхем, тој се обиде да се врати на сцената во Бешикташ, Евертон и Комо, но е без клуб повеќе од една година и иако има само 30 години, се чини дека е крај.
Сепак, она што ја шокираше англиската, како и светската фудбалска јавност, беше синоќешниот настап на Деле Али на социјалните мрежи, кој се чини дека најдобро покажува дека навистина го допрел дното.
Тој често се вклучува во живо на социјалните мрежи каде што зборува за разни работи, но она што го направи синоќа никој не го очекуваше. Во еден момент, Деле Али зеде дрес на Арсенал и реши да го запали, а тоа видео стана главна тема на социјалните мрежи.
🚨🚨| Dele Alli set an Arsenal shirt on fire during a livestream on Twitch. 😳
https://t.co/lvhy0lLXEI— CentreGoals. (@centregoals) November 9, 2026
Многумина се шокирани од потегот на поранешниот репрезентативец на Англија и бараат итна помош за да се спречи ескалација на работите уште повеќе.
Имаше и такви на кои им се допадна потегот на Деле, а секако тоа беа навивачи на Тотенхем бидејќи тој го запали дресот на нивниот најголем ривал, Арсенал.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
