Четирикратната светска шампионка во гимнастика, Александра Солдатова, се обидела да си го одземе животот, но била спасена од страна на лекарите, информираат бројни руски медиуми. Солдатова била примена во клиниката со пресечени вени, но докторите со благовремена интервенција успеале да го спасат нејзиниот живот.
„На 5 февруари 21-годипната Александра Солдатова е примена во клиника, со телесни повреди за кои е утврдено дека имаат врска со обид за самоубиство. Исто така, дијагностицирано е дека девојката боледува од булимија. Во овој момент пациентката се уште не е испитувана и не се познати околностите на здобиените повреди“, е наведено во соопштението од клиниката во Москва, набрзо по лекарската интервеција врз гимнастичарката.
Оваа 21-годишна гимнастичарка не беше повикана во составот на руската репрезентација за гран-прито во Москва од 7 до 9 февруари.
На 8 септември 2019 таа се онесвести за време на финалната фаза од Челинџ-купот во Португалија. Веднаш потоа, таа беше исклучена од светското првенство што се одржуваше во Баку од 16 до 22 септември во 2019 година.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
