На сите спортисти и тренери во Србија државата ќе овозможи бесплатни тестови за COVID-19 соопшти денеска министерот за спорт и млади, Вања Удовичиќ. Според него оваа мерка ќе опфати околу 500.000 луѓе инволвирани во српскиот спорт.
„Овозможуваме целокупниот систем во спортот да има дополнителна заштита и на одговорен начин превентивно ги санираме здравствените неправилности и спречуваме заразување на повеќе луѓе. Во спортскиот систем има околу 500.000 луѓе и чувствуваме голема општествена одговорност. Знаеме дека е значајно да се намали можноста за заразување и паралелно да се овозможи одржување тренинзи и натпреварувања“ – вели Удовичиќ.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА