Од фудбалскиот клуб Победа не останаа должни по прозивката од страна на стратегот на Вардар, Чедомир Јаневски дека катастрофалниот терен во Прилеп, и условите за игра, се една од причините за поразот на Вардар денеска од Победа.
Од Победа нагласуваат дека Вардар бил надигран и заслужено поразен, а условите за игра во Прилеп биле еднакви или и подобри од оние во Ѓорче Петров кога „црвено-црните“ славеа со 4-0. Но, тогаш тие услови не му сметале на Јаневски кого го прозваа и за неспортскиот однос и непоздравувањето на крајот од мечот со тренерот на победа, Славољуб Бубања.
„Тренерот на Вардар е за срамота…, тешки милиони му вреди екипата а изгубија без да создадат ниту една шанса. Тотално надиграни и требаше да примат три парчиња!!! Крив му бил теренот!!! Во Ѓорче Петров победија 4-0, а таму теренот е ист, ако не и полош… Абе признај пораз, бевте надиграни. Неспортски од твоја страна што не му прижи рака на клегата од Победа Бубања и да го признаеш поразот!!!“ – велат од ФК Победа преку својот официјален профил на социјалните мрежи.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА